მსოფლიო

უკრაინაში ნატოში შესვლასთან დაკავშირებით რეფერენდუმი გაიმართება

უკრაინაში ნატოში შესვლასთან დაკავშირებით რეფერენდუმი გაიმართება.

ამის შესახებ უკრაინის პრეზიდენტმა პეტრო პოროშენკომ გერმანული გამოცემისთვის Hamburger Abendblatt-თვის მიცემულ ინტერვიუში განაცხადა.

მისი თქმით, ოთხი წლის წინ რეფერენდუმის ჩატარების იდეას უკრაინელების მხოლოდ 16 % უჭერდა, ამჟამად ეს რიცხვი 54%-მდე გაიზარდა.

„როგორც პრეზიდენტი, მე ჩემი ხალხის აზრით ვხელმძღვანელობ და ნატოში შესვლასთან დაკავშირებით რეფერენდუმს ჩავატარებ“,-განაცხადა პოროშენკომ.

მისი თქმით, ყველაფერს გააკეთებს, რომ ქვეყანა ჩრდილოატლანტიკური ალიანსის წევრი გახდეს, თუ ამის სურვილს რეფერენდუმზე უკრაინელი ხალხი დააფიქსირებს.

პეტრო პოროშენკოს არაერთხელ განუცხადებია, რომ ნატო-ში შესვლა უკრაინის სტრატეგიული მიზანია.

გასული წლის ივლისში, ნატოს სამიტზე, უკრაინამ და ალიანსმა მხარდაჭერის კომპლექსურ პაკეტს მოაწერეს ხელი, რომელიც 40 სფეროში თანამშრომლობას გულისხმობს.

მონიკა დავლიანიძე