მსოფლიო

უკრაინამ, შესაძლოა, რუსეთთან დიპლომატიური ურთიერთობები გაწყვიტოს

16 ნოემბერს უკრაინის უმაღლესმა რადამ შესაძლოა, მიიღოს შესწორება რუსეთთან დიპლომატიური ურთიერთობის შეწყვეტის შესახებ. აღნიშნული მუხლი შევა დონბასის რეინტეგრაციის კანონპროექტში, რომელიც საკანონმდებლო ორგანომ მეორე მოსმენით იმავე დღეს უნდა განიხილოს. ამის შესახებ კომერსანტს „პეტრო პოროშენკოს ბლოკის“ წევრმა და ამ დამატების ავტორმა ივან ვინიკმა განუცხადა.

„დონბასის რეინტეგრაციის კანონპროექტში, რომელსაც რადამ მეორე მოსმენით უნდა განიხილოს, რუსეთი ქვეყანა-აგრესორად იქნება გამოცხადებული. იმედია, ხმებს დააგროვებს. ამის შემდეგ დიპლომატიური ურთიერთობების შენარჩუნება იქნება დანაშაული უკრაინის საგარეო უწყების მხრიდან. ეს ურთიერთობები ფაქტობრივად გაწყვეტილია. ელჩები არაა, საელჩოებში კი პირველი რანგის დიპლომატები არ მუშაობენ. ჩვენ აუცილებლად უნდა დავაფიქსიროთ ეს გაწყვეტა საკანონმდებლო დონეზე“, - განაცხადა ვინიკმა.

შესწორების მიღების შემდგომი ეტაპია პეტრო პოროშენკოს შესაბამისი განკარგულებაა, რის შემდეგ უკრაინაში რუსული დიპლომატიური სამსახურები დაიხურება, ხოლო რუსეთში - უკრაინული.

კიევში ფიქრობენ, რომ მოსკოვში მათ ინტერესებს ან ბელორუსია, ან შვეიცარია დაიცავს.

ანა მებურიშვილი