მსოფლიო

უკრაინა რუსეთთან მოლაპარაკებებისთვის სტამბოლში დელეგაციას აგზავნის - ვოლოდიმირ ზელენსკი

უკრაინა 15 მაისს სტამბოლში მოლაპარაკებებისთვის აგზავნის დელეგაციას, რომელსაც თავდაცვის მინისტრი რუსტემ უმეროვი უხელმძღვანელებს. ამის შესახებ განცხადება უკრაინის პრეზიდენტმა ვოლოდიმირ ზელენსკიმ ანკარაში გამართულ პრესკონფერენციაზე გააკეთა.

ზელენსკის თქმით, რუსული დელეგაციის შემადგენლობა მიუთითებს იმაზე, რომ მოსკოვი მოლაპარაკებებს სერიოზულად არ ეკიდება, რადგან მათ შორის არ არიან რეალური გადაწყვეტილების მიმღები პირები.

„მიუხედავად იმისა, რომ რუსეთის მხრიდან დელეგაცია საკმაოდ დაბალი დონისაა, თურქეთის მაღალი დონის დელეგაციის, პრეზიდენტ ერდოღანისა და ყოფილი პრეზიდენტ ტრამპის მიმართ პატივისცემის ნიშნად და იმის სურვილით, რომ განვახორციელოთ თუნდაც პირველი ნაბიჯები დეესკალაციისა და ცეცხლის შეწყვეტისკენ — მივიღე გადაწყვეტილება, გავაგზავნო ჩვენი დელეგაცია სტამბოლში,“ – განაცხადა ზელენსკიმ.

მისი თქმით, რუსეთის წარმომადგენლებთან შეხვედრაზე უკრაინელი მაღალჩინოსნების ნაწილი გაემგზავრება, რომელთაც თავდაცვის მინისტრი, რუსტემ უმეროვი უხელმძღვანელებს, თუმცა შეხვედრაზე არ იქნებიან უკრაინის უსაფრთხოების სამსახურის მეთაური და გენერალური შტაბის ხელმძღვანელი.

“დღის წესრიგს რაც შეეხება, ნომერ პირველი მანდატი მათ ექნებათ - ცეცხლის შეწყვეტა. ისინი გაფრინდებიან”, - განაცხადა ზელენსკიმ.

მან აღნიშნა, რომ ეჭვი ეპარება მოლაპარაკებების შედეგებში, მაგრამ იმედი გამოთქვა, რომ რუსები "თუნდაც რამის დემონსტრირებას მოახდენენ"

ზელენსკიმ ასევე აღნიშნა, რომ ეჭვობს მოლაპარაკებების შედეგიანობაზე, თუმცა გამოთქვა იმედი, რომ რუსეთის წარმომადგენლები რომ "თუნდაც რამის დემონსტრირებას მოახდენენ".

მანამდე ვოლოდიმირ ზელენსკიმ ანკარაში შეხვედრა გამართა თურქეთის პრეზიდენტ რეჯეფ თაიიფ ერდოღანთან. ვიზიტი გაიმართა იმ ფონზე, როცა მოსალოდნელი იყო ვლადიმერ პუტინის ჩამოსვლა სტამბოლში. თუმცა კრემლის პრესმდივანმა დიმიტრი პესკოვმა განაცხადა, რომ რუსეთის პრეზიდენტი არ აპირებს სტამბოლში ჩასვლას უკრაინულ დელეგაციასთან მოლაპარაკებებისთვის.