მსოფლიო

თურქეთში ვერცერთი დამნაშავე ვერ გაექცევა პასუხისმგებლობას- ერდოღანი

თურქეთის პრეზიდენტი რეჯეფ ტაიფ ერდოღანი გამოეხმაურა “სტამბოლელი მსროლელის“ დაკავების ფაქტს. მისი თქმით, თურქეთში მომხდარი ყველა კანონსაწინააღმდეგო ქმედება აღკვეთილი იქნება, ხოლო დამნაშავეები პასუხს აგებენ:

“თურქეთში ვერცერთი დამნაშავე ვერ გაექცევა პასუხისმგებლობას. სამართლებრივ სახელმწიფოში დამნაშავეები პასუხს აგებენ. ორტაკეის რაიონში ტერორისტის დაკავება აჩვენებს თურქეთის მიდგომას უსაფრთხოების საკითხის მიმართ“,- განაცხადა ერდოღანმა.

დღეს სტამბოლის გუბერნატორმა ვასიპ შაჰინმა განცხადა, რომ დაკავებულია “სტამბოლელი მსროლელი“, რომელიც ახალ წელს თავს დაესხა ღამის კლუბს. ის უზბეკეთის მოქალაქე აბდულკადირ მაშარიპოვი აღმოჩნდა, რომელმაც დანაშაული აღიარა.

ღამის კლუბ “Reina“-ზე მომხდარ თავდასხმას 39 ადამიანი ემსხვერპლა,10-ობით კი დაშავდა.

თურქეთის მთავრობამ თავდასხმას ტერაქტი უწოდა. მოგვიანებით ტერორისტულმა დაჯგუფება “ისლამურმა სახელმწიფომ“ განაცხადა, რომ ეს იყო შურისძიება თურქეთის მიერ სირიაში განხორციელებული მოქმედებების გამო.

ანა მებურიშვილი