მსოფლიო

თურქეთის პარლამენტმა „თურქული ნაკადის“ მშენებლობის შეთანხმების რატიფიცირება მოახდინა

თურქეთის პარლამენტმა, გაზსადენ „თურქული ნაკადის“ მშენებელობასთან დაკავშირებით, რუსეთთან დადებული შეთანხმების რატიფიცირება მოახდინა.

მედიის ინფორმაციით, შეთანხმების რატიფიცირებას მხარი 210-მა დეპუტატმა დაუჭირა, 7 წინააღმდეგი იყო, 6-მა დეპუტატმა კი თავი შეიკავა.

პროცედურულად, ამიერიდან კანონს ხელი თურქეთის პრეზიდენტმა რეჯეპ ტაიპ ერდოღანმა უნდა მოაწეროს, რის შემდეგ იგი ოფიციალურ გამოცემა Resmi gazete-ში უნდა გამოქვეყნდეს და შემდეგომ ძალაში შევიდეს.

რუსეთმა და თურქეთმა პროექტ „თურქულ ნაკადთან“ დაკავშირებით მთავრობათაშორის შეთანხმებას ხელი 10 ოქტომბერს მოაწერეს.

დოკუმენტი შავი ზღვის ფსკერიდან გაზსადენის ორი საკვანძო მილის მშენებლობას ითვალისწინებს, თითო მილის 15,75 მილიარდი კბ/მ გაზს გაატარებს.

ერთი მილით გაზი უშუალოდ თურქეთს მიეწოდება, მეორე საკვანძო მილით, კი თურქეთის გავლით ევროპის ქვეყნებში მოხვდება.

მეორე მილის პროექტის რეალიზება ევროპის ქვეყნების დაინტერესების შესაბამისად იქნება რეალიზებული.

მონიკა დავლიანიძე