მსოფლიო

თურქეთი სამართლებრივი სახელმწიფო რომ არ ყოფილიყო, ათი ათასობით მეამბოხე ეხლა ორმოში იქნებოდა - რეჯეპ ტაიპ ერდოღანი

2016 წლის 15 ივლისს თურქი ხალხის ბრძოლა სახელმწიფო გადატრიალების მსურველებთან, მსოფლიო დემოკრატიაში ახალი გვერდი გახსნა. ამის შესახებ თურქეთის პრეზიდენტმა რეჯეპ ტაიპ ერდოღანმა ანკარაში, არშემდგარი გადატრიალებისთვის მიძღვნილ ღონისძიებაზე განაცხადა,

„გადატრიალების მცდელობის ღამეს 250 მშვიდობიანი მოქალაქე დაიღუპა და მხოლოდ 35 მეამბოხე. ამ ციფრებზე უნდა დავფიქრდეთ“,-აღნიშნა თურქეთის ლიდერმა.

მისი თქმით, „თურქეთი სამართლებრივი სახელმწიფო რომ არ ყოფილიყო, მეამბოხეთა ათი ათასობით მომხრე ეხლა არა გისოსებს მიღმა, არამედ ქვეყნის მასშტაბით სხვადასხვა ორმოში იქნებოდა დამარხული“.

რეჯეფ თაიფ ერდოღანი ასევე შეეხო საგანგებო მდგომარეობის საკითხს, რომელიც თურქეთში შემოღებული იყო სახელმწიფო გადატრიალების მცდელობის შემდეგ.

„საგანგებო მდგომარეობის რეჟიმი მხოლოდ მაშინ გაუქმდება, როდესაც საფრთხეები აღმოფხვრილი იქნება და ტერორიზმთან ბრძოლის მიზანი მიღწეული იქნება“, - დასძინა თურქეთის ლიდერმა.

მონიკა დავლიანიძე