მსოფლიო

თურქეთი რუსეთისგან С-400-ის საზენიტო-სარაკეტო კომპლექსებს დაგეგმილზე ადრე მიიღებს

თურქეთი რუსეთისგან С-400-ის საზენიტო-სარაკეტო კომპლექსებს 2020 წლის პირველი კვარტლის მაგივრად 2019 წლის ივლისში მიიღებს. ამის შესახებ თურქეთის თავდაცვითი ინდუსტრიის სამდივნოს წარმომადგენელმა, ისმაილ დემირმა საკუთარ ტვიტერზე დაწერა.

აღნიშნული შეთანხმება რუსეთის პრეზიდენტმა, ვლადიმერ პუტინმაც დაადასტურა ანკარაში გამართულ პრესკონფერენციაზე.

მხარეებმა С-400-ზე მიყიდვაზე ხელი მოაწერეს 2017 წლის დეკემბერში ნატოს უკმაყოფილების მიუხედავად. აღნიშნული გარიგების ღირებულებაა 2.5 მილიარდი დოლარი.

გარდა ამისა, მოსკოვი და ანკარა შეთანხმდნენ თურქეთში პირველი, 20 მილიარდი დოლარის ატომური სადგურის მშენებლობაზე.