კომენტარი

თუკი რაიმე არის სადაო და საორჭოფო საკრებულოს მუშაობაში, ამას შესაბამისი უწყებები განსაზღვრავენ - გიორგი ალიბეგაშვილი

საკრებულოს თავმჯდომარე გიორგი ალიბეგაშვილი „საერთაშორისო გამჭვირვალობა-საქართველოს“ მიერ გამოქვეყნებული თბილისის საკრებულოს სამწლიანი საქმიანობის ანგარიშს გამოეხმაურა.

როგორც ალიბეგაშვილმა აღნიშნა, თუკი რაიმე არის სადაო და საორჭოფო საკრებულოს საქმიანობაში, ამას შესაბამისი უწყებები განსაზღვრავენ.

„ჩვენი საკრებულოს წევრები ყოველთვის კეთილსინდისიერად ავსებენ დეკლარაციებს. თუკი არის რაიმე ხარვეზი, არსებობს შესაბამისი უწყება, რომელიც შეისწავლის საკითხს და ხარვეზი აღმოიფხვრება.

საკრებულო არის კოლეგიალური ორგანო, აქ მიიღება ერთობლივი გადაწყვეტილება და თავისთავად იგულისხმება, რომ საკრებულო აგებს პასუხს ყველა გადაწყვეტილებაზე. აქედან გამომდინარე, თუკი რაიმე არის სადაო, საორჭოფო ეს უკვე სხვა უწყებების განსასაზღვრია“,-აღნიშნა ალიბეგაშვილმა.

მონიკა დავლიანიძე