კომენტარი

თუ რომელიმე ადამიანი ფეხს ვერ აუწყობს ახალ რეალობას და დინამიკას, მისი შეცვლის საკითხი დადგება - მამუკა მდინარაძე

პარლამენტში უმრავლესობის სხდომა გუშინ ისე დასრულდა, რომ დაანონსებული საკადრო ცვლილებების საკითხი დეპუტატებს არ განუხილავთ.

თუმცა, როგორც „ქართულ ოცნებაში“ ამბობენ, ცვლილებები ნამდვილად იქნება, როგორც პარტიულ, ისე სამთავრობო დონეზე, თუმცა ვინ დატოვებს თანამდებობებს და ვინ შეინარჩუნებს, ამის შესახებ დეპუტატები საჯაროდ არ საუბრობენ.

საპარლამენტო უმრავლესობის ერთ-ერთი ლიდერის, მამუკა მდინარაძის განცხადებთ, თანამდებობას დაემშვიდობება ყველა, ვინც მათ პოლიტიკურ გეგმებს არ დაეთანხმება.

„თუ რომელიმე ადამიანი იმ დინამიკას, იმ აბსოლუტურად ახალ რეალობას, რომელიც იქნება ინაუგურაციის შემდეგ, ანუ ახალი კონსტიტუციის პირობებში ფეხს ვერ შეუწყობს, ბუნებრივია, ასეთი ადამიანების შეცვლის საკითხი დადგება დღის წესრიგში.

რაც შეეხება ზოგადად, ახალი სისხლი, გადახალისება და განსაკუთრებით ახალგაზრდების ჩართულობა პოლიტიკურ პროცესებში ძალიან კარგი იქნება,“- ამბობს მამუკა მდინარაძე.