კომენტარი

თუ ქართული არხები არ იქნება, ვის რაში სჭირდება ეს საკაბელოები - რომან გოცირიძე

ნაციონალური მოძრაობის წევრი რომან გოცირიძე სოციალურ ქსელში გამოეხმაურა საკაბელო ტელევიზიების კავშირში შემავალი კომპანიების მიერ რამდენიმე ტელევიზიის გათიშვას.

"საკაბელოებმა რუსთავი, იმედი და კიდევ რამდენიმე ქართული არხი გათიშეს. ფულის გადახდა არ გვინდაო. როგორც ვიღებდით მუქთად დღემდე, ასევე გვაჩუქეთ თქვენი პროდუქციაო.

ნაცვლად იმისა, რომ ერთი-ორი კრემლის პროპაგანდისტული არხი არ იყიდონ და ამ დაზოგილი ფულით ქართული არხების სიგნალი შეიძინონ, მუქთად უნდათ ეს ყველაფერი.

თუ ქართული არხები არ იქნება, ვის რაში სჭირდება ეს საკაბელოები. გათიშვები და ზარალი მერე ნახეთ. მე ნამდვილად არ დავიტოვებ არცერთს. დღეს მრავალი ალტერნატივა არსებობს სასურველი არხების ყურების", - წერს რომან გოცირიძე ფეისბუქის პირად გვერდზე.

საკაბელო ტელევიზიების კავშირში შემავალმა კომპანიებმა სატესტო რეჟიმში რამდენიმე ტელეარხი გათიშეს. ესენია "რუსთავი 2“, "კომედი არხი“, "მარაო“, "იმედი“, "მაესტრო" და "ჯიდიესი“.