კომენტარი

თუ მთავრობამ საზოგადოების ნდობა ვერ მოიპოვა, კრიზისს ვადამდელი საპარლამენტო არჩევნები განმუხტავს - დავით ჭიჭინაძე

საპარლამენტო უმრავლესობის წევრი დავით ჭიჭინაძე მიიჩნევს, რომ თუ მთავრობამ საზოგადოების ნდობა ვერ მოიპოვა, კრიზისს ვადამდელი საპარლამენტო არჩევნები განმუხტავს.

დეპუტატის განცხადებით, უნდობლობის შემთხვევაში, უავტორიტეტო სტრუქტურები ქვეყანას ვერ გაუძღვებიან.

„ჩემი მოთხოვნა ვადამდელი საპარლამენტო არჩევნების თაობაზე არის დაკავშირებული მთავრობის ავტორიტეტთან. თუ მთავრობა შეძლებს საზოგადოების ნდობის მოპოვებას, მაშინ ეს რა თქმა უნდა, მისი გადასაწყვეტი იქნება, მაგრამ თუ ვერ მოვახერხებთ საზოგადოების ნდობის მოპოვებას, მაშინ შესაბამისად ორი უავტორიტეტო ორგანო, როგორიც არის პარლამენტი და მთავრობა, ამ ქვეყანას ვეღარ გაუძღვება. ასეთ დროს, საჭიროა კრიზისი განიმუხტოს, ჩატარდეს ვადამდელი საპარლამენტო არჩევნები. მაგრამ, იმედი მაქვს, რომ ეს ცვლილებებიც და ახალი მთავრობაც მოიპოვებს საზოგადოების ნდობას“, – განაცხადა დავით ჭიჭინაძემ.

მისივე თქმით, მოქალაქეთა განწყობა მმართველი გუნდის მიმართ საპრეზიდენტო არჩევნებზეც გამოჩნდება.