კომენტარი

თუ მმართველ პარტიას არ ექნება უმრავლესობა ქვეყანა დაიღუპება - ასეთ მენტალობას უარი საბჭოთა კავშირის დროს ვუთხარით – გიორგი მარგველაშვილი

საქართველოს პრეზიდენტის განცხადებით, ის 2016 წლის საპარლამენტო არჩევნებამდე აქტიურად დადიოდა მთელ ქვეყანაში და საზოაგდოებას მოუწოდებდა არჩევნებში მიეღო მონაწილოება. არჩევმების დღეს კი განაცხადა, რომ ისურვებდა მრავალფეროვან და პლურალისტურ პარლამენტს.

გიორგი მარგველაშვილის თქმით, ადგილობრივი თვითმმართველობის არჩევნების დღეს კი თქვა, რომ „სამ სხვადასხვა პოლიტიკურ სუბიექტს გადავუნაწილე ჩემი ხმა, რაც ასევე პლურალიზმს ნიშნავს“.

ამის შესახებ მარგველაშვილმა ტელეკომპანია „მაესტროს“ ეთერში განაცხადა.

„როდესაც ბონუს სისტემაზე საუბრობდნენ, ამბობდნენ, რომ თუ მმართველ პარტიას არ ექნება უმრავლესობა, ქვეყანა დაიღუპება, ანუ თუ უმრავლესობა ერთი პარტიის ხელში არ არის, ეს ქვეყნისთვის საშიშია, ასეთი რიტორიკა იყო.

როდესაც მე ვსაუბრობ, რომ საჭიროა მრავალფეროვნება იყოს, ეს ტოლობის ნიშანია მრავალფეროვნებასა და დემოკრატიას შორის. როდესაც პარტიას მიაჩნია, რომ თუ მას არ ექნება უმრავლესობა, ეს ქვეყნისთვის დამღუპველია, - ეს ის მენტალობაა, რომლიდანაც ჩვენ წამოვედით, არა იმიტომ რომ „ნაციონალურ მოძრაობაზე“ ვთქვით უარი, არამედ საბჭოთა კავშირზე ვთქვით უარი. ამ აზრვნებას უარი „ნაციონალური მოძრაობის“ დროს კი არ ვუთხარით უარი, არამედ ბევრად ადრე, საბჭოთა კავშირის დროს.

თუ მრავალფეროვნება იქნება გაიგივებული სახელმწიფოს წინააღმდეგ ქმედებასთან, ჩვენ ძალიან ცუდი გზა გვაქვს არჩეული. ეს მძიმე რეალობაა, რომელიც უნდა გადავლახოთ“,–განაცხადა გიორგი მარგველაშვილმა.

მონიკა დავლიანიძე