კომენტარი

თუ ხალხს პრეზიდენტის არჩევის უფლებას ჩამოართმევენ, ეს იქნება ტირანიის დამყარების მკაფიო სიგნალი - ნიკა რურუა

საპარლამენტო ფრაქცია „ერთიანი ნაციონალური მოძრაობის“ წევრის, ნიკა რურუას განცხადებით, მოსახლეობას არ უნდა ჩამოერთვას პრეზიდენტის პირდაპირი წესით არჩევის უფლება, რადგან ეს „ტირანიის დამყარებას“ შეუწყობს ხელს.

„ძალიან მძიმე დანაშაულია ხალხის წინაშე, რომ მას ჩამოართვას საკუთარი ქვეყნის საკუთარი პრეზიდენტის პირდაპირი არჩევის უფლება. ესაა გამორიცხული. ეს ნიშნავს ტირანიის დამყარების ყველაზე მკაფიო სიგნალს. ჩვენ არ ვართ ის სისტემა, სადაც შეიძლება პრეზიდენტი პარლამენტმა აირჩიოს და ყველაფერი იყოს კარგად, როგორც ზოგიერთ ქვეყანაშია“, - თქვა რურუამ.

შეგახსენებთ, რომ დღეს საკონსტიტუციო კომისიის სამუშაო ჯგუფში პრეზიდენტის უფლებამოსილებებისა და არჩევის წესის შესახებ იმსჯელებენ.

ანა მებურიშვილი