კომენტარი

თუ კახა კალაძე არგუმენტირებულად წარმოადგენს, რაში უნდა დაიხარჯოს გაზრდილი ბიუჯეტი, ამაზე მსჯელობა მთავრობაში იქნება - ზვიად ძიძიგური

პარლამენტის ვიცე-სპიკერი, ზვიად ძიძიგური თბილისის მერის, კახა კალაძის მოთხოვნას გამოეხმაურა, დედაქალაქის ბიუჯეტის გაზრდასთან დაკავშირებით.

ჟურნალისტებთან საუბარში მან განაცხადა, რომ მომხრეა, ის დაპირებები შესრულდეს, რომელიც თბილისელების მიმართ იყო გაცემული.

„არ ვფიქრობ, რომ თბილისს დიდი ბიუჯეტი აქვს. თუ ბიუჯეტის გაზრდა მოხდება და ქალაქის მერი არგუმენტირებულად წარმოადგენს იმას, თუ რაში უნდა დაიხარჯოს ეს ყველაფერი, ამაზე მსჯელობა მთავრობაში იქნება და გადაწყვეტილებას მიიღებენ“, – დასძინა ძიძიგურმა.

ნინო ექვთიმიშვილი