კომენტარი

ცვლილებების მიზანი არ ყოფილა, ორი სამინისტროს გაერთიანების შედეგად, ბიუჯეტი იგივე დარჩეს - თეა წულუკიანი

თუკი ჩვენ ოპტიმიზაცია გვაქვს მიზნად და მართლაც ეს არის მიზანი, ვერ მივიღებთ შედეგად ორ გაერთიანებულ სამინისტროს, როგორც ხალხის მხრივ, ისე ფინანსური ხარჯების მხრივ, – განაცხადა საქართველოს იუსტიციის მინისტრმა, თეა წულუკიანმა პირველი არხის გადაცემაში „აქტუალური თემა მაკა ცინცაძესთან ერთად.“

კითხვაზე, ბიუროკრატიის შემცირება ხომ არ გულისხმობს ადამიანების მასობრივ დათხოვნას სამსახურებიდან, იუსტიციის მინისტრი ამბობს, რომ ცვლილებების მიზანი არ ყოფილა, ორი სამინისტროს გაერთიანების შედეგად, ბიუჯეტი იგივე დარჩეს.

„მასობრივი არ ვიცი, მაგრამ ფაქტია, რომ როდესაც ორი სამინისტროს უფლებამოსილებები ერთიანდება, იქ თუკი ჩვენ ოპტიმიზაცია გვაქვს მიზნად და მართლაც ეს არის მიზანი, ვერ მივიღებთ შედეგად ორ გაერთიანებულ სამინისტროს, როგორც ხალხის მხრივ, ისე ფინანსური ხარჯების მხრივ. რა თქმა უნდა, უნდა მოხდეს ამ ხარჯების შემცირება და მიზანი ყველა მინისტრის იქნება ინდივიდუალური, იმის მიხედვით, თუ რომელ პორტფელს ჩაიბარებს. მაგრამ ჩვენ არავითარ შემთხვევაში არ მივიღებთ და არ უნდა მივიღოთ, ეს არ ყოფილა პრემიერის მიზანი ამ ცვლილებებისას, რომ როდესაც ორი სამინისტრო ერთიანდება, იქ ბიუჯეტი დარჩეს იგივე, ხარჯვით ნაწილს ვგულისხმობ, და ხარჯვითი ნაწილი მიემართებოდეს ძირითადად ისეთი ხარჯებისკენ, როგორიც არის ხელფასი და სხვა. რა თქმა უნდა, ეს შემცირდება და ამას ჰქვია ოპტიმიზაცია. თუ რა ციფრებში აისახება, ეს ყველა სამინისტროს შემთხვევაში იქნება ინდივიდუალური“, – აღნიშნა წულუკიანმა.