კომენტარი
თსუ-ში გაიმართა გამოფენა „ლევილ-სიულ-ორჟის ქართული მამული 1922-2016“
ივანე ჯავახიშვილის სახელობის თბილისის სახელმწიფო უნივერსიტეტში გამოფენა „ლევილ-სიულ-ორჟის ქართული მამული 1922-2016“ გაიხსნა. გამოფენის ორგანიზატორია თსუ ბიბლიოთეკის საქართველოს დემოკრატიული რესპუბლიკის შემსწავლელი ცენტრი. ექსპოზიციაზე წარმოდგენილია ბიბლიოთეკაში დაცული დოკუმენტები, რომლებიც ასახავს ლევილის მამულის საქართველოს დემოკრატიული რესპუბლიკის მთავრობის მიერ შესყიდვას, მამულის მფლობელობის, მემკვიდრეობისა და მართვა-გამგებლობის საკითხებს, საქართველოს დემოკრატიული რესპუბლიკის მთავრობის წევრთა წერილებსა და პირად დოკუმენტებს, ფოტოკოლაჟს ლევილის მამულისა და იქ მცხოვრები ქართველი პოლიტიკური ემიგრანტების შესახებ, _ აცნობეს მედიანიუს თსუ-დან.
გამოფენის გახსნაზე ქართველმა ემიგრანტმა ტიერი ბერიშვილმა მამამისის, საქართველოს დემოკრატიული რესპუბლიკის მთავრობის არქივის შემნახველი კომისიის წევრის მამია ბერიშვილის არქივიდან რამდენიმე უნიკალური დოკუმენტი და ქართული პოლიტიკური ემიგრაციის წარმომადგენლების 70-ზე მეტი ფოტო თსუ რექტორს გიორგი შარვაშიძეს გადასცა.
„ეს მართლაც უნიკალური მასალაა, რომელიც გაამდიდრებს იმ კოლექციას, რომელიც აქვს უკვე თბილისის სახელმწიფო უნივერსიტეტს. იმედია, რომ ჩვენი მკვლევრებისთვის, სტუდენტებისთვის, ისტორიკოსებისთვის, ისტორიოგრაფებისთვის იქნება მართლაც ძალიან კარგი სამუშაო მასალა,“- აღნიშნა გიორგი შარვაშიძემ.
ტიერი ბერიშვილის თქმით, გადმოცემულ მასალებში „სოციალ-დემოკრატიული პარტიის საზღვარგარეთის ოფისის 1957 წლის ოქმებია. ასევე არის უამრავი ძველი და ახალი ფოტო. ჩემთვის ძალიან დიდი მნიშვნელობა აქვს დემოკრატიული რესპუბლიკის კვლევით ცენტრთან ურთიერთობას. სწორედ ამ ცენტრის მეშვეობით ითარგმნა ჩემი წიგნი „1880-1953 წლების ქართული სოციალ-დემოკრატია“ - განაცხადა ტიერი ბერიშვილმა.
ჩემი თხოვნა პატრიარქთან შეხვედრის შესახებ უპასუხოდ დატოვა საპატრიარქომ, მიუხედავად იმისა, რომ იმ დროს მოქმედი პრეზიდენტი ვიყავი - სალომე ზურაბიშვილი
17 მარტი, 2026 , 17:31
მინდა პატრიარქს ჯანმრთელობა ვუსურვო, სახელმწიფო ყველაფერს გააკეთებს იმისათვის, რომ გაგრძელდეს მაქსიმალური ზრუნვა პატრიარქის ჯანმრთელობაზე - ირაკლი კობახიძე
17 მარტი, 2026 , 15:27
უწმინდესისა და უნეტარესის მდგომარეობა რთულია, იმედი უნდა ვიქონიოთ, რომ ყველაფერი კარგად იქნება და პატრიარქი გამოჯანმრთელდება - მიხეილ ყაველაშვილი
17 მარტი, 2026 , 12:56
საქართველოს კათოლიკოს-პატრიარქის ჰემადინამიკური მაჩვენებლები არასტაბილურია - კავკასიის მედიცინის ცენტრის ხელმძღვანელი
17 მარტი, 2026 , 11:24
ვითარება კვლავ რჩება ძალიან რთული, მეტად საყურადღებო, ყველაფერი კეთდება, რომ რაც შეიძლება სწრაფად აღდგეს პატრიარქის ჯანმრთელობისთვის აუცილებელი ყველა მნიშვნელოვანი პარამეტრი - მიხეილ სარჯველაძე
17 მარტი, 2026 , 10:50
თინა ხიდაშელმა გააკეთა განცხადება და ერთ დღეში სცადა მისი უარყოფა,ერთ დღეში როცა გიწევს საკუთარი ტყუილის უარყოფა, აქედან ჩანს,რომ შენ მიზანმიმართულად აზიანებ საქართველოს ეროვნულ ინტერესებს - ირაკლი კობახიძე
9 მარტი, 2026 , 15:42
