მსოფლიო

„წითელი ხაზების“ გადაკვეთა არ შეიძლება - ვლადიმერ პუტინი ნატოს

რუსეთის პრეზიდენტმა ვლადიმერ პუტინმა გააფრთხილა ნატო, არ გადმოკვეთოს „წითელი ხაზი“.

პუტინის მტკიცებით, თუ ალიანსში უკრაინა გაწევრიანდება, ნატოს რაკეტები რუსეთს საფრთხეს შეუქმნიან.

„ის არ კმარა, რომ ნატო ჩვენს საზღვრებს მიუახლოვდა, ჩვენ ეჭვი გაგვიჩნდა, რომ ხვალ უკრაინაც გაწევრიანდება და იქ განათავსებენ რაღაც რადარებსა და ანტისარაკეტო თავდაცვით სისტემებს“, - თქვა პუტინმა პეტერბურგის საერთაშორისო ეკონომიკურ ფორუმზე.

რუსეთის პრეზიდენტმა მოუწოდა ნატოს, რუსეთის ინტერესები გაითვალისწინოს.

„არის რაღაც საზღვრები, ხვდებით, „წითელი ხაზების“ გადაკვეთა არ შეიძლება. მოდით, ჩვენს ინტერესებსაც ეცით პატივი“, -თქვა პუტინმა.

ცნობისთვის, მარტში ალიანსმა ოფიციალურად აღიარა უკრაინის მისწრაფება, ნატოს წევრი გახდეს და შეიყვანა ის ასპირანტი-ქვეყნების სიაში.