მსოფლიო

წელს მსოფლიოში 97 ჟურნალისტი მოკლეს

2017 წელს 28 ქვეყანაში 97 ჟურნალისტი მოკლეს, რაც შარშანდელ შედეგებთან შედარებით 24 %-ით ნაკლებია.მონაცემებს Press Emblem Campaign აქვეყნებს.

2017 წელს ჟურნალისტებისთვის ყველაზე სასიში ქვეყანა მექსიკა აღმოჩნდა - იქ 14 მედიამუშაკი მოკლეს. მას მოსდევს ერაყი 9 დაღუპულით, ავღანეთი - 8 მოკლულით, ინდოეთი - 7, პაკისტანი - 7, ფილიპინები - 6, სირია - 6, სომალი - 5, ჰონდურასი - 4; ნიგერიაში, რუსეთში, თურქეთსა და იემენში 3-3 ჟურნალისტი დაიღუპა.

ბოლო 5 წლის განმავლობაში ჟურნალისტებისთვის ყველაზე საშიშ ქვეყანას სირია წარმოადგენს, სადაც 69 მედიამუშაკი მოკლეს. მას მოჰყვება ერაყი 61 მოკლული ჟურნალისტით, მექსიკა - 49 დაღუპულით, პაკისტანი - 45, ავღანეთი - 33, ინდოეთი -31, ფილიპინები - 31, სომალი -27, ბრაზილია - 24 და იემენი -22.

2008-დან 2017 წლის ჩათვლით მოკლეს 1 197 ჟურნალისტი.

წინა წელთან შედარებით გაიზარდა მოკლული ჟულნალისტი ქალების რიცხვი. 5-დან 16-მდე.

ანა მებურიშვილი