კომენტარი

ცალკეული პარტიების არმონაწილეობა მეორე ტურში, ჩვენს კანდიდატებზე ზემოქმედებას ვერ მოახდენს - ირაკლი სესიაშვილი

პარლამენტის თავდაცვისა და უშიშროების კომიტეტის თავმჯდომარის, ირაკლი სესიაშვილის შეფასებით, „ნაციონალური მოძრაობის“ უარი მეორე ტურებში მონაწილეობის მიღებაზე, „ქართული ოცნების“ კანდიდატებზე ზემოქმედებას ვერ მოახდენს.

ჟურნალისტებთან საუბარში სესიაშვილმა ხაზი გაუსვა, რომ „ნაციონალური მოძრაობის“ გადაწყვეტილება მათი პოლიტიკური სტრატეგიის ნაწილია.

„ამ არჩევნებით ჩვენ ხაზს ვუსვამთ, რომ ქვეყანაში შედგა თავისუფალი, დემოკრატიული არჩევნები და ამან სტაბილური ხასიათი მიიღო. ეს არის ჩვენთვის ძალიან ღირებული. რაც შეეხება მეორე ტურში ცალკეული პარტიების არმონაწილეობას, ეს მათი პოლიტიკური სტრატეგიის ნაწილია და ჩვენზე, ჩვენს კანდიდატებზე, ან ჩვენს მიდგომაზე ზემოქმედებას ვერ მოახდენს“,- აღნიშნა ირაკლი სესიაშვილმა.

გუშინ, დაახლოებით 5-საათიანი მსჯელობის შემდეგ, „ნაცინალური მოძრაობის“ პოლიტიკურმა საბჭომ მიიღო გადაწყვეტილება, რომ ქუთაისსა და მარტვილში ადგილობრივი არჩევნების მეორე ტურში მონაწილეობა არ მიიღოს.

მონიკა დავლიანიძე