მსოფლიო

ტრამპს აქვს უფლებამოსილება, კონგრესის ნებართვის გარეშე განახორციელოს იერიში სირიაზე - მაიკ პომპეო

ცენტრალური სადაზვერვო სააგენტოს დირექტორმა და აშშ-ის სახელმწიფო მდივნის პოსტზე დონალდ ტრამპის კანდიდატმა მაიკ პომპეომ განაცხადა, რომ აშშ-ის პრეზიდენტს აქვს უფლებამოსილება, სირიაზე მიიტანოს იერიში.

სენატში გამოსვლისას მან აღნიშნა, რომ პრეზიდენტს აქვს კონსტიტუციური უფლება, კონგრესის ნებართვის გარეშე მიიღოს გადაწყვეტილება სამხედრო ძალების გამოყენების შესახებ.

პომპეომ ასევე თქვა, რომ სირიაში აშშ-ის ძალებმა „რამდენიმე ასეული რუსი სამხედრო“ მოკლეს. საუბარია თებერვალში სირიაში მომხდარ ინციდენტზე, როცა აშშ-ის იერიშს დეირ ალ-ზორის პროვინციაში რამდენიმე ათეული რუსი სამხედროს სიცოცხლე ემსხვერპლა.