მსოფლიო

ტორონტოში მომხდარი სროლის შედეგად ერთი ადამიანი დაიღუპა, ხოლო 13 დაშავდა

ქალაქ ტორონტოში, დენფორტის გამზირზე შეიარაღებულმა პირმა ცეცხლი გახსნა. დაიღუპა ერთი ახალგაზრდა ქალი, 13 ადამიანი კი დაშავდა, მათ შორისაა დაახლოებით 8-9 წლის გოგო, რომლის მდგომარეობა კრიტიკულია.

შეიარაღებული პირი ადგილზევე მოკლეს. კანადური მედიის მიერ გავრცელებული ვიდეოდან ირკვევა, რომ თავდასხმელი თეთრი მამაკაცი იყო, რომელსაც შავი კეპი ეხურა და შავი ტანსაცმელი ემოსა. მას ზურგჩანთა ჰქონდა, რომლიდანაც მან ცეცხლსასროლი იარაღი ამოიღო.

კანადური გაზეთის „Globe and Mail“-ის ცნობით, თავდასხმა კვირა საღამოს მოხდა, როცა დენფორტის გამზირი ხალხით იყო გადაჭედილი.

რა გახდა თავდასხმის მიზეზი, ჯერ კიდევ გაურკვეველია.