კომენტარი

თორდიას მხრიდან,თუ არ ვცდები, მომსწრე ამ ამბის არ იყო - ზაზა ხუციშვილი ,,ელ ცენტროს“ ინციდენტზე

საპარლამენტო უმრავლესობის წევრი ზაზა ხუციშვილი ფიქრობს, რომ 2017 წელს დაწყებულ გამოძიების შედეგი დღეს მხოლოდ იმიტომ გახდა ცნობილი, რომ გამოძიებას არ ჰქონდა საკმარისი მტკიცებულებები.

ხუციშვილი ამბობს, რომ მმართველ გუნდს მუდმივად ჰქონდა დისკომფორტი იმ ინციდენტთან დაკავშირებით, რომელიც ოთარ ფარცხალაძესა და სახელმწიფო აუდიტორს შორის გასულ წელს მოხდა.

„ჩვენთვის ძალიან დიდი უხერხულობა არის ის, რომ სახელმწიფო აუდიტის სამსახურის უფროსი, რომელიც არის აბსოლუტურად ხელშეუხებელი ადამიანი, თუკი მის სამსახურეობრივ მოვალეობას უკავშირდებოდა კონფლიქტი. მაშინ ალბათ გახსოვთ,რომ ეს კონფლიქტი მოხდა კლუბში და საკმაოდ ხმაურიანი ადგილი იყო და თორდიას მხრიდან, თუ არ ვცდები, მომსწრე ამ ამბის არ იყო. მე ვფიქრობ, რომ ეს ართულებდა რეალურ მიზეზს იმისა, თუ რატომ დაიწყო კონფლიქტი.იმიტომ რომ, რამდენადაც ჩემთვის არის ცნობილი, სათვალთვალო კამერები ხმას არ იწერს,“-ამბობს დეპუტატი ზაზა ხუციშვილი.