მსოფლიო

თეთრ სახლში ბრიფინგზე წამყვანი მედიასაშუალების წარმომადგენლები არ შეუშვეს

თეთრ სახლში პარასკევს გამართულ ბრიფნგზე, რიგი წამყვანი მედიასაშუალების წარმომადგენელი არ შეუშვეს.

ბრიფინგს მიღმა დარჩნენ: ტელეარხები BBC, CNN, გაზეთები New York Times და Los Angeles Times, ასევე, საიტები BuzzFeed News და Politico.

New York Times წერს, რომ პრეს-მდივნის წარმომადეგნლებმა შონ სპაისერის ბრიფინგზე ჟურნალისტები შერჩევით შეიყვანეს.

ბრიფინგზე დაშვებულთა შორის აღმოჩნდა: ტელეარხები ABC, CBS და Fox News, გაზეთები Washington Times და Wall Street Journal, საიტი Breitbart News, ასევე სააგენტო Bloomberg-ის წარმომადგენელბი.

სააგენტო Associated Press-მა და ჟურნალმა Time-მა, რომლებსაც ბრიფინგზე დასწრების ნება დართეს, პროტესტის ნიშნად დარბაზში არ შევიდნენ.

New York Times აღნიშნავს, რომ პარასკევის ბრიფინგს ტრადიციულად ჟურნალისტების პატარა ჯგუფი ესწრება,თუმცა, ამერიკის წინამორბედი პრეზიდენტების ადმინისტრაციები ჟურნალისტებს ასეთი ფორმით არ არჩევევდნენ.

თეთრ სახლში კი აღნიშნეს, რომ უჩვეულო არაფერი მომხდარა.

„ჩვენ თეთრი სახლის ჟურნალისტები მოვიწვიეთ. გარდა ამისა, დავამატეთ კიდევ რამდენიმე ადამიანი. არაფერი სხვა“,-ნათქვამია თეთრი სახლის წარმომდგენლის სარა ხაკაბი სანდერსის წერილში.

Los Angeles Times-ის კორესპოდენტნმა განაცხადა, რომ ბრიფინგზე დონალდ ტრამპისადმი მეგობრულად განწყობილი მედიასაშუალებები დაუშვეს.

„თითქმის ყველა არხი დაუშვეს CNN-ის გარდა. ასეთი შერჩევის ასპექტია შემაშფოთებელი“,-განაცხადა ნოა ბირმანმა.

მომხდარს, მწვავე კრიტიკით, თეთრი სახლის კორესპოდენტების ასოციაცია გამოეხმაურა.

„ასოციაციის საბჭო მწვავე პროტესტს გამოთქვამს იმის გამო, თუ როგორ ჩატარდა ბრიფინგი თეთრ სახლში. ვთხოვთ, ორგანიზაციებს, რომლებიც ბრიფინგზე დაუშვეს, მიაწოდონ მიღებული მასალა იმათ, ვინც არ იყო დაშვებული ბრიფინგზე. საბჭო თეთრი სახლის თანამშრომლებთან განიხილავს ვითარებას“,-ნათქვამია ასოციაციის პრეზიდენტის ჯეფ მეისონის განცხადებაში.

მონიკა დავლიანიძე