მსოფლიო

თეა წულუკიანი აშშ-სა და მისი მოკავშირეების მიერ სირიაში წერტილოვანი დარტყმების გამოყენებას სწორი ნაბიჯს უწოდებს

საქართველოს იუსტიციის მინისტრი თეა წულუკანი სირიაზე სარაკეტო იერიშის საკითხს გამოეხმაურა და აღნიშნა, რომ აშშ-ს, საფრანგეთისა და ბრიტანეთის მიერ ქიმიური იარაღის გამოყენების აღსაკვეთად წერტილოვანი დარტყმების გამოყენება სწორი ნაბიჯია.

მინისტრის განცხადებით, ეს პროცესები საქართველოსა და ქვეყნის შიგნით მდგომარეობაზე უარყოფითად არ აისახება.

„რაც შეგვეხება ჩვენ. დღეს ბევრი კითხვა ისმის იმასთან დაკავშირებით, თუ როგორ აისახება ეს ჩვენი ქვეყნის შიგნით თუ გარეთ ჩვენს მდგომარეობაზე. გვაქვს ყველა საფუძველი, ვიფიქროთ, რომ ის სტაბილურობა, რაც არსებობს ჩვენს ქვეყანაში, გაგრძელდება. საქართველოს ხელისუფლების ყველა შტო, მთავრობა და შესაბამისი სამსახურები ამისთვის მუშაობენ, ამიტომ არ უნდა ვიფიქროთ, რომ შეიძლება საქართველოსა და ქვეყნის შიგნით მდგომარეობაზე ეს უარყოფითად აისახება“, – განაცხადა თეა წულუკიანმა.

შეგახსენებთ, რომ აშშ-სა და მისი მოკავშირეების მიერ სირიაზე განხორციელებულ სარაკეტო დარტყმებს საქართველოს საგარეო საქმეთა მინისტრი მიხეილ ჯანელიძეც გამოეხმაურა და ამ ნაბიჯს „სათანადო და საჭირო” უწოდა.

ცირა გურგენიძე