მსოფლიო

ტაივანში მიწისქვეშა ბიძგების გამო დაღუპულთა რაოდენობა 10-მდე გაიზარდა

ტაივანის ქალაქ ჰუალინში მიწისქვეშა ბიძგები გრძელდება. სამშაბათს მომხდარი 6.4 მაგნიტუდის სიმძლავრის მიწისძვრას გუშინ მოჰყვა 5.7 მაგნიტუდის სიმძლავრის ბიძგები.

ბოლო მონაცემებით, მიწისძვრას 10 ადამიანი ემსხვერპლა, 265 დაშავდა, ხოლო 58 ადამიანი დაკარგულად ითვლება.

ბიძგებმა ქალაქში 4 შენობა მთლიანად დაანგრია.

ტაივანის ცენტრალური მეტეოროლოგიური ბიუროს სეისმოლოგიის ცენტრში აღნიშნავენ, რომ რეგონში ბიძგების უპრეცედენტო მაჩვენებელია დაფიქსირებული. 4 თებერვლიდან დღემდე 200-ზე მეტი ბიძგი მოხდა.

ჰუალინი ტაივანის პოპულარული ტურისტული ცენტრია. ქალაქში 100 000 ადამიანი ცხოვრობს.