მსოფლიო

სტრასბურგის სასამართლომ მოკლული ანა პოლიტკოვსკაიას ნათესავებისთვის კომპენსაციის სახით 20 000 ევროს გადახდა დააკისრა

ადამიანის უფლებათა დაცვის ევროპულმა სასამართლომ რუსეთის მთავრობას „Новая газета“-ის მოკლული ჟურნალისტის, ანა პოლიტკოვსკაიას ნათესავებისთვის მორალური ზიანის სანაცვლოდ კომპენსაციის სახით 20 000 ევროს გადახდა დააკისრა.

სტრასბურგის სასამართლოს დასკვნით, რუსეთის ხელისუფლებამ ადამიანის უფლებათა დაცვის კონვენციის მეორე მუხლი დაარღვია, რადგან არ უზრუნველყო ჟურნალისტის მკვლელობის ეფექტური გამოძიება და არ დაადგინა მკვლელობის დამკვეტთა ვინაობა.

ანა პოლიტკოვსკაიას მკვლელობის გამოძიების საქმეზე სტრასბურგის სასამართლოში საჩივარი შეიტანეს ჟურნალისტის დედამ, დამ და შვილებმა.

ანა პოლიტკოვსკაია 2006 წლის 7 ოქტომბერს, მოსკოვში, საკუთარი სახლის სადარბაზოში მოკლეს. ჟურნალისტის მკვლელობის ორგანიზებაში დამნაშავედ ცნეს ჩეჩნეთის მკვიდრნი ლომ-ალი გაიტუკაევი და რუსტამ მაჰმუდოვი. სულ პოლიტკოვსკაიას მკვლელობისთვის 5 პირს პატიმრობა მიესაჯა.

2017 წლის ივნისში გაიტუკაევი ციხეში გარდაიცვალა. მკვლელობის დამკვეთის ვინაობა კი ამ დრომდე უცნობია.