მსოფლიო

სტივენ ლანცომ კომპანია Johnson & Johnson-ს 117 მილიონ დოლარიანი სარჩელი მოუგო

სტივენ ლანცომ კომპანია Johnson & Johnson-ს 117 მილიონ დოლარიანი სარჩელი მოუგო.

სტივენ ლანცო ირწმუნებოდა, რომ ჯონსონის პროდუქტის საბავშვო ტალკი აზბესტს შეიცავს. დაბადებიდან მისი გამოყენებით კი, მეზოთელიომა განუვითარდა. ესაა იშვიათი ავთვისებიანი სიმსივნე, რომელსაც აზბესტის მტვრის შესუნთქვა იწვევს.

ლანცო ამტკიცებდა, რომ კომპანიამ ნედლეულის მოპოვებისას აზბესტით დაბინძურების შესახებ ჯერ კიდევ 1970-იანი წლებიდან იცოდა.

კომპანია Johnson & Johnson -ში ვერდიქტის სააპელაციო სასამართლოში გასაჩივრებას გეგმავენ და ამბობენ, რომ მათ პროდუქტებში აზბესტის შემცველობა არასდროს დაფიქსირებულა.

Johnson & Johnson -ის წინააღმდეგ 6 ათასამდე საქმე არსებობს, სადაც მოსარჩელეები ირწმუნებიან, რომ კომპანიის პროდუქცია საკვერცხეების სიმსივნეს იწვევს. ახლა ამ მოსარჩელეთა უფლებადამცველები აპირებენ სარჩელი აზბესტის შემცველობასთან დაკავშირებითაც შეიტანონ.

ცნობისთვის, კომპანია Johnson & Johnson-ის გაყიდვებმა მხოლოდ 2017 წელს 76.5 მილიარდი დოლარი შეადგინა.

აშშ-ის სიმსივნის კონტროლის საზოგადოების მონაცემებით, ყოველწლიურად მეზოთელიომით სამი ათასამდე ადამიანი ავადდება. საკვერცხეების კიბოს დიაგნოზი კი 22 ათასამდე ადამიანს უდგინდება.