კომენტარი

სოზარ სუბარი ცნობილი ცრუპენტელაა - ლევან თარხნიშვილი

ნაციონალური მოძრაობის წევრი ლევან თარხნიშვილი ლტოლვილთა და განსახლების მინისტრის, სოზარ სუბარის დღევანდელ განცხადებას გამოეხმაურა, რომლითაც ამ უკანასკნელმა ნაციონალური მოძრაობის მარნეულის მაჟორიტარობის კანდიდატი და მისი მხარდამჭერები ყიზილაჯლოში 8 ოქტრომბერს მომხდარ არეულობაში დაადანაშაულა.

,,ბატონი სოზარ სუბარი ცნობილი ცრუპენტელაა, ისევე, როგორც ,,ქართული ოცნების’’ წარმომადგენლების უმეტესობა. მათი ტაქტიკა არის გაღმა შეედავე, გამოღმა შეგრჩებაო.

ყველამ კარგად იცის, რომ იმ ინციდენტების უკან, რომელიც 8 ოქტომბერს მოხდა არამხოლოდ აქ, არამედ სამეგრელოშიც, სწორედ ,,ქართული ოცნება’’ და მისი აქტივისტები დგანან, ისევე როგორც კორცხელისა და სხვა ბევრ შემთხვევაში. ამის დამადასტურებელია თუნდაც ის, რომ არავინ არ დასჯილა 4 წლის განმავლობაში მსგავსი ძალადობების გამო’’, - განაცხადა ლევან თარხნიშვილმა.

ნინო ექვთიმიშვილი