კომენტარი

სოციალურად დაუცველის სტატუსის შეფასებითი კრიტერიუმები ბოლომდე გამორიცხავს პოლიტიკურ შემადგენელს - დიმიტრი ხუნდაძე

საპარლამენტო უმრავლესობის წევრმა დიმიტრი ხუნდაძემ კომენტარი გააკეთა ზურაბ ჭიაბერაშვილის ბრალდებაზე, რომლის თანახმად 2016 წლის საპარლამენტო არცვენების შემდეგ 40 000 ადამიანს მოუხსნეს სოციალური დახმარება.

ხუნდაძის განმარტებით, სოციალურად დაუცველთა შეფასების ახალი სისტემა პოლიტიკურ მიკუთვნელობას არ განიხილავს.

„შეფასებითი კრიტერიუმები ბოლომდე გამორიცხავს პოლიტიკურ შემადგენელს, რაც იყო აქამდე. ის, რომ ძირითადად 2012 წელს სოციალურად დაუცველთა სტატუსი ეძლეოდათ „ნაციონალური მოძრაობის“ მხარდამჭერებს და 2012 წლის არჩევნების შემდეგ სწრაფად დაიწყო სოციალურად დაუცველთა რაოდენობის შემცირება. ჩვენ ამ შემადგენლისგან ეს კრიტერიუმები გავათავისუფლეთ. ის, რომ არჩევნებამდე ნაწილობრივ მოხდა სოციალურად დაუცველთა ბაზის რაოდენობრივი მაჩვენებლის გაზრდა, ეს გამოიწვია იმან, რომ 57 000 ქულიდან 100 000 ქულამდე გავზარდეთ სოციალურად დაუცველთა სტატუსის მინიჭება, ანუ, უფრო მეტი ადამიანი ღებულობს ამ დახმარებას“, - განაცხადა ხუნდაძემ „კურიერთან“.

ანა მებურიშვილი