კომენტარი

სოსო ოხანაშვილი მრავალ ვერსიას განიხილავდა, რომ მოეშორებინა შორენა თეთრუაშვილი და პატრიარქიც გაეტეხა წელში - ირაკლი მამალაძე

სოსო ოხანაშვილი მრავალს ვერსიას და მრავალ თემას განიხილავდა, რომ მოეშორებინა შორენა თეთრუაშვილი და ასევე, პატრიარქიც გაეტეხა წელში როგორმე, - განაცხადა ტელეკომპანია ,,იბერიას“ გადაცემაში ,,ახალი ამბები არჩილ გამზარდიასთან ერთად“ ჩართვისას ე.წ. ციანიდის საქმის მთავარმა მოწმემ, ირაკლი მამალაძემ.

,,სად გაიქცა სოსო ოხანაშვილი? სად გაიქცა როგორც ქვეყნის მოღალატე, პატრიარქის მოღალატე, საპატრიარქოს მოღალატე?

თუ ამას ვერ ამბობენ მღვდელმთავრები, მე ვიტყვი, რომ სოსო ოხანაშვილს ბოლო პერიოდში, როცა მე ვხვდებოდი, ისეთი შთაბეჭდილება მრჩებოდა, რომ მას სძულდა პატრიარქი. ის პირდაპირ ამბობდა, თუ ის ამას არ გააკეთებს, მე ამას და ამას გავაკეთებო. ასე, ასეთ ტონალობაში საუბრობდა დაცვის უფროსი. ამ ადამიანს საერთოდ არ ჰქონდა მგონი, გათვიცნობიერებული ვის იცავდა. ის მხოლოდ ჩვეულებრივი მრევლისგან იცავდა პატრიარქს, იმ მრევლისაგნ, ვისაც დღესაც შეუძლია პატრიარქის გულისთვის თავი გასწიროს.

სოსო ოხანაშვილი მრავალს ვერსიას და მრავალ თემას განიხილავდა, რომ მოეშორებინა შორენა თეთრუაშვილი და ასევე, პატრიარქიც გაეტეხა წელში როგორმე. ამის ნათელი მაგალითი იყო პალატის თემა, როცა მას უნდოდა პალატის გაკეთება და ეს მან დაადასტურა. დეკემბერში პატრიარქს უკეთებდნენ მისი საძინებლის გვერდით ე.წ. ემერჯენსს, სადაც იქნებოდა მართვითი სუნთქვის აპარატი, სხვადასხვა სამედიცინო მოწყობილობა. თქვენ წარმოიდგინეთ, ადამიანი, რომელსაც აქვს ჯანმრთელობის პრობლემა და უყურებს, რომ გვერდით მას უკეთებენ რეანიმაციულ ევაკუაციის ოთახს“, - განაცხადა ირაკლი მამალაძემ.

ნინო ექვთიმიშვილი