მსოფლიო

სომხეთში მიმდინარე აქციების სამი ოპოზიციონერი ლიდერი გაათავისუფლეს

სომხეთში მიმდინარე „სამოქალაქო დაუმორჩილებლობის“ აქციების ოპოზიციონერი ლიდერები: ნიკოლ პაშინიანი, სასუნ მიქაელიანი და არარატ მირზოიანი გაათავისუფლეს.

პაშინიანმა გათავისუფლების შემდეგ განუცხადა ჟურნალისტებს, რომ ქვეყნის ვიცე-პრემიერთან კარენ კარაპეტიანთან მოლაპარაკების შედეგებზე ისაუბრებს დღევანდელ მიტინგზე. კითხვაზე, თუ რატომ გაათავისუფლეს, პაშინიანმა უპასუხა: „იმიტომ რომ ხელისუფლების შეცვლა მოხდა, ხელისუფლება ხალხზე გადავიდა“.

სამივე ოპოზიციონერი ლიდერი გუშინ დააკავეს. სომხეთის გენერალური პროკურატურის განმარტებით, მათ დაარღვიეს კანონი „შეკრების თავისუფლების“ შესახებ.

გათავისუფლების შემდეგ პაშინიანი დემონსტრანტებს შეუერთდა ტიგრან მეცის გამზირზე.