მსოფლიო

სომხეთში ჩატარებული საპარლამენტო არჩევნების შედეგად მმართველი გუნდის პარტია ლიდერობს

სომხეთის ცესკო-მ გუშინ გამართული საპარლამენტო არჩევნების წინასწარი შედეგები გამოაქვეყნა.

როგორც სომხეთის ცესკო-ს მდივანმა არმენ სმბატიანმა განაცხადა, ამ დროისთვის საარჩევვნო უბნების 93% უკვე დამუშავებულია.

მისი თქმით, პარლამენტში მოსახვედრად აუცილებელი ბარიერი ორმა პარტიამ და ორმა ბლოკმა გადალახა.

ესენია, მოქმედი სამთავრორობო რესპუბლიკური პარტია - 49,21%-ით, ბლოკი „ცარუკიანი“- 27,38%-ით, ბლოკი „ელკი“ -7,72%-ით და „დაშნაკცუტიუნი“- 6,59%-ით.

სომხეთის საარჩევნო კანონდებლობის თანხმად, პარლამენტში მოსახვედრად პარტიამ აუცილებელი 5% უნდა გადალახოს, ხოლო ბლოკის შემთხვევაში 7%-ანი ზღვარია დაწესებული.

მონიკა დავლიანიძე