მსოფლიო

სომხეთმა რუსეთიდან ღორისა და ფრინველის ხორცის შეტანა შეაჩერა

სომხეთის სოფლის მეურნეობის სამინისტროს საკვები პროდუქტების უვნებლობის სახელმწიფო სამსახურმა რუსეთის რიგი რეგიონებიდან ღორის ხორცის შეტანა შეაჩერა. აიკრძალა ასევე რუსეთიან ყველა სახის ფრინველის ხორცის, ნაწარმის, ბუმბულის, საინკუბაციო კვერცხების, საკენკის (ქიმიური და სინტეტიკური ნივთიერების შემცველების გარდა), პოლიმერული და მუყაოს ყუთების შეტანა.

უწყების განმარტებით, აკრძალვის მიზანი ქვეყანაში აფრიკული ჭირისა და ფრინველის გრიპის შეღწევის თავიდან აცილებაა.

„გადაწყვეტილება მიღებულია იმის გათვალისწინებით, რომ ცხოველთა ჯანმრთელობის დაცვის საერთაშორისო ორგანიზაციის ოფიციალურ გვერდზე იყო გამოქვეყნებული ინფორმაცია, რომ რუსეთის ტერიტორიაზე დაფიქსირდა ღორების აფრიკული ჭირისა და ფრინველის გრიპის შემთხვევები“, - წერია განცხადებაში.