მსოფლიო

სომხეთის პრეზიდენტის თქმით, დადგა დრო, რათა ქართველებმა ისეთივე სიხშირით ეწვიონ სომხეთს, როგორც სომხები საქართველოს

სომხეთის პრეზიდენტმა, არმენ სარქისიანმა საქართველოში 25 მაისისთვის დაგეგმილი ვიზიტის კომენტირებისას განაცხადა, რომ სომხეთსა და საქართველოს შორის ურთოერთობები სხვადასხვა სფეროში უნდა გაღრმავდეს.

„ვფიქრობ, სომხეთსა და საქართველოს შორის ურთიერთობები პოზიტიურია. ვიმედოვნებ, რომ ეს ურთიერთობები კიდევ უფრო გაღრმავდება ამ დღეებში. თანამშრომლობის დიდი პოტენციალი გვაქვს. ორივე ერი ერთად ბევრი წელი მუშაობდა. ვფიქრობ, ორ ქვეყანას შორის ურთიერთობები უნდა გაღრმავდეს სხვადასხვა სფეროში, მათ შორის ეკონომიკურში“, - თქვა სარქისიანმა.

მან ასევე აღნიშნა, რომ დადგა დრო, რათა ქართველებმა ისეთივე სიხშირით ეწვიონ სომხეთს, როგორც სომხები საქართველოს.

გუშინ გახდა ცნობილი, რომ სომხეთის პრეზიდენტი საქართველოს ოფიციალური ვიზიტით 25-26 მაისს ეწვევა. ის მონაწილეობას მიიღებს საქართველოს პირველი დემოკრატიული რესპუბლიკის დაარსებიდან 100 წლისთავთან დაკავშირებულ ღონისძიებებში.