მსოფლიო

სომხეთის პრემიერის დროებითი მოვალეობის შემსრულებელმა კარენ კარაპეტიანმა ოპოზიციონერ ლიდერთან მოლაპარაკებებზე უარი თქვა

სომხეთის პრემიერის დროებითი მოვალეობის შემსრულებელმა კარენ კარაპეტიანმა ოპოზიციონერ ლიდერთან ნიკოლ პაშინიანთან მოლაპარაკებებზე უარი თქვა.

კარაპეტიანის შეფასებით, მოლაპარაკებები „უპერსპექტივოა“.

„ნიკოლ პაშინიანის მორიგი მიწვევა პრაქტიკულად არ განსხვავდება წინისგან, იმ ფაქტის გამოკლებით, რომ ამჯერად ის არ კარნახობს, ვისთან გამართავს მოლაპარაკებებს. კარენ კარაპეტიანის პასუხი იგივეა, როგორც წინა ჯერზე. ეს მოლაპარაკებები, სადაც მხოლოდ ერთი მხარე კარნახობს დღის წესრიგს, ხოლო მეორეს ეს არ შეუძლია, მოლაპარაკებებად არ ჩაითვლება. გარდა ამისა, კარენ კარაპეტიანი კვლავინდებურად მიიჩნევს, რომ მედიის წინაშე მოლაპარაკებების გამართვა უკვე გულისხმობს იმას, რომ მათი მიზანი არაა რამე შედეგის მიღწევა. ზუსტად ამიტომ „მოლაპარაკებებში“ მონაწილება, რომლებმაც, საეჭვოა, შედეგი გამოიღოს, პრემიერის დროებითი მოვალეობის შემსრულებელი „უპერსპექტივოს“ მიიჩნევს“, -აღნიშნული განცხადება კარენ კარაპეტიანის პრესმდივანმა არამ არარატიანმა გამოაქვეყნა თავის ფეისბუკზე.

კარაპეტიანმა ურჩია პაშინიანს, გაითვალისწინოს სომხეთის პრეზიდენტის წინადადება, რომლის თანახმად, საპარლამენტო და არასაპარლამენტო ძალებმა ერთობლივად უნდა იმსჯელონ ქვეყანაში შექმნილ ვითარებასა და გამოსავლის გზებზე.