მსოფლიო

სომხეთის ენერგეტიკის მინისტრმა „გაზპრომისა“ და საქართველოს ახალ ხელშეკრულებაზე მედიის კითხვას უპასუხა

სომხეთის ენერგეტიკისა და ბუნებრივი რესურსების მინისტრისთვის აიკ არუთუნიანისთვის უცნობია, საქართველოსა და „გაზპრომის“ შორის დადებული ახალი ხელშეკრულების დეტალები.

ამის შესახებ არუთუნიანმა რადიო აზატუტიუნის მიერ დასმული შესაბამისი შინაარსის კითხვის საპასუხოდ განაცხადა.

კითხვაზე, არის თუ არა შესაძლებელი, რომ ტრანზიტზე ფასის დაწევით, მოხერხდეს რომ მომავალ წელს მომხმარებელს გაზზე ხელმისაწვდომი ტარიფი დაუწესდეს, მინისტრი პასუხობს, რომ “ყოველწელს ვცდილობთ, რომ ტრანზიტის გაცილებით მომგებიანი პირობა მივიღოთ“.

ირანიდან გაზის იმპორტის გაზრდაზე საუბრისას, სომხეთის ენერგეტიკის მინისტრმა აღნიშნა, რომ ამჟამად მოლაპარაკებები მიმდინარეობს და მათი დასრულების შემდეგ სამინისტრო განცხადებას გააკეთებს.

„ამჟამად ირანულ მხარესთან მოლაპარაკებები მიმდინარეობს. როდესაც შედეგი გვექნება, ამის შესახებ შეიტყობთ“,-განაცხადა აიკ არუთუნიანმა.

მონიკა დავლიანიძე