მსოფლიო

სომხეთი ისწრაფვის ევროკავშირის წევრობისკენ - ნიკოლ ფაშინიანი

სომხეთი ისწრაფვის ევროკავშირის წევრობისკენ, - ამის შესახებ სომხეთის პრემიერ-მინისტრმა, ნიკოლ ფაშინიანმა პრესკონფერენციაზე განაცხადა.

„ევროპელ პარტნიორებთან ერთად ვაფიქსირებთ, რომ ეს მარტივი პროცესი არ არის და ყველა წევრი ქვეყნის თანხმობას მოითხოვს. ქვეყანამ უნდა დააკმაყოფილოს გარკვეული სტანდარტები“, - აღნიშნა ფაშინიანმა.

მისი თქმით, ამ პროცესის ფარგლებში სომხეთში მიმდინარეობს რეფორმები, რათა ქვეყანა შესაბამისობაში მოვიდეს ევროსტანდარტებთან: „ორი გზა არსებობს — ან მიგვიღებენ ევროკავშირში, ან არა. მაგრამ ნებისმიერი შედეგის მიუხედავად, სომხეთი ევროსტანდარტების დონემდე ავა“.

პრემიერის ინფორმაციით, მისი ბოლო ვიზიტისას ბრიუსელში, განხილვის ერთ-ერთი თემა ევროკავშირთან სავიზო რეჟიმის ლიბერალიზაციის საკითხიც იყო, რაც ფაშინიანმა პოზიტიურად შეაფასა.