მსოფლიო

სომხეთი „ისკანდერებს“ ვითარების განვითრების მიხედვით გამოიყენებს

სომხეთს თავდაცვის მინისტრის ვიგენ სარქისიანის განცხადებით, სომხეთი „ისკანდერების“ გამოყენების გადაწყვეტილებას ვითარების განვითარების მიხედვით მიიღებს.

ამის შესახებ სარქისიანმა РИА Новости -თვის მიცემულ ინტერვიუში განაცხადა.

„აღნიშნული იარაღის დანიშნულებასა და პარამეტრებს შეუძლია გამოუსწორებელი ზიანი მიაყენოს იმ ქვეყნის ინფრასტრუქტურას, რომლის წინააღმდეგ იქნება იგი გამოყენებული. შესაბამისად, „ისკანდერის“ გამოყენების გადაწყვეტილება ვითარების განვითარებაზე იქნება მჭიდროდ დამოკიდებული. ნებისმიერ შემთხვევაში, ჩვენ განვიხილავთ მას,როგორც გარანტირებული დარტყმის იარაღას. თუმცა, პირველ რიგში,ის შეკავების იარაღია“,-განმარტა სომხეთის თავდაცვის მინისტრმა.

პირველად „ისკანერები“ სომხეთში, ქვეყნის დამოუკიდებლობის აღლუმზე გასული წლის 21 სექტემბერს გამოჩნდა. თუმცა, გარკვეული ინფორმაციის მიხედვით, „ისკანდერი“ სომხეთის შეიარაღებულმა ძალებმა ბევრად ადრე მიიღეს, რადგან გასული წლის აპრილში, მთიან-ყარაბაღში კონფლიქტის ესკალაციის დროს, სამხედრო მზადყოფნაში იქნა მოყვანილი.

მონიკა დავლიანიძე