კომენტარი

სხვა რამ რომ მოგვესმინა მისი მხრიდან, შეიძლება ფიზიკური განადგურების საფრთხე ჰქონოდა ამ ადამიანს - გიორგი ვაშაძე ლევან ყიფიანზე

,,ახალი საქართველოს“ ლიდერი გიორგი ვაშაძე ლევან ყიფაინის გუშინდელ განცხადებას მასზე ზეწოლის შედეგად აფასებს.

,,უზარმაზარი მანქანა, წნეხის, ზეგავლენების, დაშინების, პერსონალური ზეწოლის არის ჩართული და რა თქმა უნდა, ახლა აქ მყოფ ყველა მოწმეს უზარმაზარი საფრთხე აქვს.

წარმოდგინეთ, სხვა რამ რომ მოგვესმინა და პირდაპირი ბრალდებები მისი მხრიდან, შეიძლება ფიზიკური განადგურების საფრთხე ჰქონოდა ამ ადამიანს.

ამიტომ, მე ვფიქრობ, რომ სწორედ ამ ფსიქოლოგიურ- ფიზიკური ზეწოლის შედეგია ეს ყველაფერი. მაგრამ, ასეთი საქმეები არ იმალება, ადრე თუ გვიან ყველაფერს ფარდა აეხდება“, - აცხადებს ვაშაძე.

ცნობისთვის, გუშინ თბილისში საქალაქო სასამართლოში დაკითხვიდან გამოსულმა სპორტის ყოფილმა მინისტრმა, ლევან ყიფიანმა განაცხადა, რომ სახელმწიფოსგან ზეწოლაზე ჩანაწერები „ომეგა ჯგუფის“ დამფუძნებელმა, ზაზა ოქუაშვილმა მასთან შეთანხმებით ჩაწერა.