კომენტარი

„სითი პარკთის“ მიმართ სამართლებრივ ნაწილში არ მგონია სასურველ შედეგს მივაღწიოთ - დავით ნარმანია

თბილისის ყოფილი მერის, დავით ნარმანიას შეფასებით, „სითი პარკთან“ სამართლებრივ ნაწილში კაბალური ხელშეკრულებაა დადებული.

აქედან გამომდინარე, ნარმანია არ ფიქრობს, რომ სასურველი შედეგის მიღწევა იყოს შესაძლებელი.

ამის შესახებ ნარმანიამ თბილისის ახლად არჩეული მერის მიერ გაკეთბეული განცხადების კომენტირებისას განაცხადა.

„ჩვენმა წინამორბედებმა ამ ხელშეკრულებას საიდუმლო გრიფი დაადეს. ჩვენ გრიფი მოვხსენით და მერიის საიტზე განთავსდა. ეს არის კაბალური ხელშეკრულება. სამართლებრივ ნაწილში ხელშეკრულება იმდენად კაბალურია, რომ არ მგონია, სასურველ შედეგს მივაღწიოთ. ყოველ შემთხვევაში კარგია, რომ მეტი რამის ცდა მოხდება,“ - აღნიშნა ნარმანიამ.

გუშინ, თბილისის ახლად არჩეულმა მერმა არ გამორიცხა, რომ „სითი პარკის“ წინააღმდეგ იურისტებმა სასამართლოში სარჩელი შეიტანონ.

ამის მიზეზად კახა კალაძემ კომპანიის მიერ გამოწერილი ჯარიმების 99% დაასახელა, რომლებიც შემდგომში მოქალაქეების მიერ გასაჩივრდა და გადაწყვეტილება მოქალაქეების სასარგებლოდ იქნა გამოტანილი.

მონიკა დავლიანიძე