მსოფლიო

სირიის მეჩეთზე მიტანილი ავიაიერიშის შედეგად 40-ზე მეტი ადამიანი დაიღუპა

სირიის, ალეპოს პროვინციის სოფელ ალ-ჯინას მეჩეთზე მიტანილი ავიაიერიშის შედეგად, სულ მცირე 40 ადამიანი დაიღუპა.

სოციალურ ქსელში გავრცელებული ინფორმაცია, რომ ავიადარტყმა ამერიკის სამხედროებმა მიტანეს, აშშ-ში უარყვეს.

ამერიკის შეიარაღებული ძალების ცენტრალურმა სარდლობამ განაცხადა, რომ აღნიშნულ რაიონში ავიადარტყმა განახორციელეს, თუმცა არა მეჩეთზე, არამედ „ალ-ქაიდას“ მებრძოლების შეკრების ადგილზე, რის შედეგადაც მათგან რამდენიმე დაიღუპა.

მეჩეთზე მიტანილი იერიშის შესახებ ინფორმაცია ლონდონში მდებარე სირიის ადამიანის უფლებების დარღვევის მონიტორინგის ცენტრმა და მოხალისეთა სამაშველო ორგანიზაციამ „თეთრი ჩავხუტი“ გაავრცელეს.

„რეიდის დროს ამოუცნობმა თვითმფრინავებმა ალეპოს პროვინციაში მეჩეთზე იერიში მიიტანეს, და 42 ადამიანი სიცოცხლეს გამოასალმეს, ძირითად მშვიდობიანი მოქალაქეები“,-განაცხადა მონიტორინგის ცენტრის ხელმძღვანელმა რამი აბდელ რახმანმა.

მისი თქმით, ავიადარტყმის შედეგად 100-ზე მეტი დამიანი დაშავდა. მისივე თქმითვე, შესაძლებელია, რომ გადარჩენილთა ნაწილი ნანგრევებში იყოს მოყოლილი.

მონიკა დავლიანიძე