მსოფლიო

სირიის ანტიოსაჰაერო თავდაცვის სისტემამ შეცდომით ისრაელის თვითმფრინავის მაგივრად რუსული Ил-20 ჩამოაგდო - დაიღუპა 15 სამხედრო

სირიის ანტისაჰაერო თავდაცვამ რუსული სამხედრო თვითმფრინავი Ил-20 ჩამოაგდო. რუსეთის თავდაცვის სამინისტროს ოფიციალური წარმომადგენლის, გენერალ-მაიორ იგორ კონაშენკოვის განმარტებით, სირიული მხარე ისრაელის საჰაერო ძალების თვითმფრინავებს უმიზნებდა, რომლებიც რუსულ Ил-20-ს ამოეფარნენ. ამის გამო, სარაკეტო კომპლექს С-200-იდან გამოშვებული რაკეტა ისრაელის F-16-ის მაგივრად რუსულ Ил-20 მოახვედრეს.

კონაშენკოვის ინფორმაციით, გუშინ, დაახლოებით 22:00 საათზე ისრაელის სამხედრო-საჰაერო ძალების 4 თვითმფრინავმა F-16-მა ხმელთაშუა ზღვის მხრიდან ავიადარტყმა განახორციელა ქალაქ ლატაკიის რაიონში მდებარე სირიულ ობიექტებს.

რუსული მხარის თქმით, ისრაელს არ გაუფრთხილებია რუსული მხარე სირიაში დაგეგმილი ავიადარტყმების შესახებ.

„ცხელი ხაზით“ შეტყობინება შემოვიდა დარტყამდე ერთი წუთით ოდნავ გვიან, რამაც რუსული თვითმფრინავის უსაფრთხო ადგილას გადაყვანის შესაძლებლობა არ მისცა“, -თქვა კონაშენკოვმა.

ბოლო მონაცამებით, დარტყმის შედეგად 15 რუსი სამხედრო დაიღუპა.

გუშინ გახდა ცნობილი, რომ მოსკოვის დროით დაახლოებით 23:00 საათზე სირიის სანაპიროდან 35 კილომეტრის მოშორებით რუსული მზვერავი თვიმფრინავი და მასში მყოფი სამხედროები გაუჩინარდნენ ისრაელის ავიაციის მიერ სირიის ტერიტორიაზე განხორციელებული დარტმებისა და ფრანგული სამხედრო გემებიდან რაკეტების გამოშვების დროს.