მსოფლიო

სირიის აღდგენას 200-300 მილიარდი დოლარი დასჭირდება - ჯეიკობ კერნი

გაეროს მსოფლიო სასურსათო პროგრამის წარმომადგენლის, ჯეიკობ კერნის ინფორმაციით, ორგანიზაციის გათვლებით სირიის აღსადგენად 200-300 მილიარდი დოლარი დასჭირდება.

მან აღნიშნა, რომ რეკონსტრუქცია ყოვლისმომცველი უნდა იყოს და ის უნდა მოიცავდეს სახლების, ქარხნების, ელექტროგადამცემი ხაზებისა და ინფრასტრუქტურის აღდგენას.

„რეკონსტრუქცია მასშტაბური უნდა იყოს. შესაძლოა 300 მილიარდი დოლარი ყველაზე ცოტა თანხაა, რაც ქვეყნის აღდგენისთვისაა აუცილებელი. ეს ჰუმანიტარული კრიზისია და ყველას, ვისაც სინდისი აქვს, სირიელებს დაეხმარება“, – განაცხადა კერნმა.

ცნობისთვის, სირიაში მე-7 წელია ომი მიმდინარეობს.