მსოფლიო

სირიაში მომხდარი აფეთქების შედეგად, სულ მცირე 42 ადამიანი დაიღუპა

სირიის ქალაქ ხომსში, უსაფრთხოების სამსახურების ობიექტებთან ახლოს თვითმკვლელების მიერ განხორციელებული აფეთქების შედეგად, სულ მცირე 42 ადამიანი დაიღუპა.

ამის შესახებ ბრიტანეთში მდებარე სირიის ადამიანის უფლებათა დაცვის მონიტორინგის ცენტრში განაცხადეს.

ხომსის ხელისუფლებამ თავდასხმის შესახებ ინფორმაცია დაადასტურა. მათი მონაცემით, აფეთქებების შედეგად სულ მცირე 20 ადამანია დაღუპული.

„აფეთქებები სულ მცირე ექსვმა თვითმკვლელმა განახორციელა, სამხედრო დაზვერვისა და სახელმწიფო უსაფრთხოების შენობებთან“,-განუცხადა მედიას მონიტორინგის ცენტრის წარმომადგენელმა რამი აბდელ რახმანმა.

მისი თქმით, ჯერჯერობით უცნობია განახორციელეს თუ არა აფეთქებები „ისლამური სახელმწიფოს“ მებრძოლებმა.

პოლიტიკა, ფრანს ტიმერმანსი, საქართველო, ევროკავშირი, საგარეო საქმეთა სამინისტრო

ევროკავშირში არსებობს სურვილი, საქართველო ევროპული ოჯახის წევრი გახდეს - ფრანს ტიმერმანსი

ანა მებურიშვილი, მედიანიუსი, 25.02.17. ევროკომისიის პირველი ვიცე-პრეზიდენტის ფრანს ტიმერმანსის განცხადებით, მნიშვნელოვანია, რომ საქართველო ევროპული ოჯახის წევრი გახდეს. - ამის შესახებ საგარეო საქმეთა სამინისტრო იუწყება.

„ევროკავშირს შეუძლია საქართველოსთან ურთიერთობებში შემდგომი მნიშვნელოვანი პროგრესის განხორციელება და საქართველომ უნდა იგრძნოს, რომ ევროკავშირში არსებობს სურვილი, ქვეყანა ევროპული ოჯახის წევრი გახდეს“,- განაცხადა ტიმერმანსმა ირლანდიის პარლამენტის ევროკავშირის საქმეთა და საგარეო საქმეთა, ვაჭრობისა და თავდაცვის კომიტეტების გაერთიანებულ სხდომაზე სიტყვით გამოსვლის დროს.

ტიმერმანსის თქმით, საქართველო-ევროკავშირის თანამშრომლობა უნდა გამოიხატებოდეს ინვესტიციებითა და უვიზო რეჟიმის შემოღებით.

გამოსვლისას ტიმერსმანმა აღნიშნა, რომ ევროკავშირმა გაფართოება ბალკანეთის ქვეყნებიდან უნდა დაიწყოს და კავკასიაზე გავრცელდეს.

მონიკა დავლიანიძე