მსოფლიო

სირიამ დარტყმების მოსაგრეიებლად საბჭოთა ტექნიკა გამოიყენა-რუსეთის თავდაცვის სამინისტრო

რუსეთის თავდაცვის სამინისტრო ამბობს, რომ სირიამ აშშ-ისა და მისი მოკავშირეების წინააღმდეგ 30 წლის წინ საბჭოთა კავშირში დამზადებული ტექნიკა გამოყენა.

„სირიამ სარაკეტო დარტყმების მოსაგერიებლად S-125, S-200, BUK-ისა და Kvadrat – ის ტიპის ანტისარაკეტო სისტემები გამოიყენა. ეს საჰაერო თავდაცვითი სისტემები 30 წლის წინ საბჭოთა კავშირში დაამზადეს”, – აცხადებენ რუსეთის თავდაცვის უწყებაში.

უწყებაში ასევე ამბობენ, რომ დასავლეთის ქვეყნებმა სირიის მიმართულებით 100-ზე მეტი რაკეტა ისროლეს, თუმცა არც ერთი რაკეტა ტარტუსსა და ხმეიმიმში მდებარე რუსეთის ჰაერსაწინააღმდეგო სისტემების მოქმედების არეალში არ მოხვედრილა.

შეგახსენებთ, რომ აშშ-ს პრეზიდენტმა დონალდ ტრამპმა შეიარაღბულ ძალებს იმ ობიექტებზე წერტილოვანი დარტყმების განხორცილება უბრძანა, რომლებიც სირიელი დიქტატორის, ბაშარ ასადის ქიმიურ შეიარაღებას შეიძლება უკავშირდებოდეს.

საჰაერო იერიშის დასრულების შემდეგ, აშშ-ის თავდაცვის მინისტრმა ჯეიმს მეტისმა განაცხადა, რომ დამატებით სხვა იერიშები არ იგეგმება, თუმცა არც გამორიცხულია.

აშშ-ი რუსეთის ელჩის ანატოლი ანტონოვის განცხადებით, სირიაში აშშ-ის და მისი მოკავშირეების მოქმედებები უპასუხოდ არ დარჩება.

ცირა გურგენიძე