მსოფლიო

შვედეთის პროკურატურა მ ჯულიან ასანჟის საქმეზე გამოძიება შეწყვიტა

შვედეთის პროკურატურამ ჯულიან ასანჟის წინააღმდეგ წარმოებული გამოძიება შეწყვიტა.

BBC-ს ინფორმაციით, Wikileaks-ის დამფუძნებელს გაუპატიურების ბრალდება ჰქონდა წაყენებული, რომელსაც თავად ასანჟი პოლიტიკურად მოტივირებულს უწოდებდა.

„პროკურორმა მარიან ნიუმ, დღეს, მიიღო გადაწყვეტილება ჯულიან ასანჟის საქმის წინასწარი გამოძიების შეწყვეტის შესახებ, რომელიც გაუპატიურებაში არის ეჭვმიტანილი“,-ნათქვამია შესაბამის ცნობაში.

ასანჟის ადვოკატის პერ სამუელსონის განცხადებით, პროკურატურის განცხადება „სრულ გამარჯვებას“ ნიშნავს, თუმცა, შვედეთის პროკურატურაში აღნიშნეს, რომ ასანჟის ბრალეულობა-უდანაშაულობაზე განცხადება არ გაუკეთებიათ.

ასანჟს კვლავინდებურად არ შეუძლია ეკვადორის საელჩოს ტერიტიროიის დატოვება.

2012 წლის ივნისიდან, ჯულიან ასანჟი, ლონდონში, ეკვადორის საელჩოში დაპატიმრების შიშით ცხოვრობს.

ასანჟის წინააღმდეგ გაუპატიურების ბრალდებით გამოძიება 2010 წელს, მას შემდეგ დაიწყო, რაც აშშ-მა WikiLeaks-ის მასალებში საიდუმლო მონაცემების გასაჯაროებაზე საკუთარი გამოძიება დაიწყო.

მონიკა დავლიანიძე