კომენტარი

შსს-მ კადრები წარმოაჩინა ისეთი რაკურსით და ხედით, რომ მომხდარიყო ჩემი დისკრედიტაცია -ლაშა თორდია

საქართელოს მთავარი აუდიტორის ლაშა თორდიას განცხადებით, შსს-ს 13 მაისს კაფე-ბარ „ელ-ცენტროში“ მომხდარი ინციდენტის ამსახველი კადრები ისეთი რაკურსით წარმოაჩინა, რომ მისი დისკრედიტაცია მომხდარიყო.

ამის შესახებ თორდიამ ბრიფინგზე განაცხადა.

ამასთან, თორდიას თქმით, გავცრელებული კადრებიდანაც კარგად ჩანს, რომ პირველი დარტყმა, ყოფილმა მთავარმა პროკურორმა ოთარ ფარცხაკლაძემ განახორციელა.

„როგორც ჩემთვის მოსალოდნელი იყო, შინაგან საქმეთა სამინისტრომ კადრები წარმოაჩინა ისეთი რაკურსით და ხედით, რომ მომხდარიყო ჩემი დისკრედიტაცია, თითქოს მე დავარტყი ხელი პირველმა ოთარ ფარცხალაძეს, თუმცა მათივე კადრებიდან ნათლად ჩანს, თუ როგორ მირტყამს პირველი ოთარ ფარცხალაძე. კადრები არის წარმოდგენილი იმ რაკურსით, რომ შემდგომ ვერ დავინახოთ, როგორ მოჰყვა გაგრძელება ამ თავდასხმას. მინდა ცალსახად განვაცხადო, შინაგან საქმეთა სამინისტრო არის დაინტერესებული მხარე, მიკერძოებული მხარე, რომელიც ახდენს ინტერპრეტაციას ყველა იმ გარემოების, რაც იქ მოხდა, თუმცა ამ კადრებიდან კიდევ ერთხელ დასტურდება, რომ თავდასხმა განხორციელდა ოთარ ფარცხალაძის და მათი დაცვის წევრების მხრიდან. მე კიდევე ერთხელ დავრწმუნდი, რომ პირველი დარტყმა განახორციელა ოთარ ფარცხალაძემ, რასაც მოჰყვა ჩემი რეაქცია“, - განაცხადა თორდიამ.

მონიკა დავლიანიძე