კომენტარი

შს მინისტრი ნუცუბიძის პლატოს ინციდენტთან დაკავშირებით პარლამენტში არ უნდა მივიდეს - კობა ნარჩემაშვილი

საპარლამენტო უმრავლესობის წევრი კობა ნარჩემაშვილი მიიჩნევს, რომ ნუცუბიძის პლატოზე მომხდარ ინციდენტთან დაკავშირებით შს მინისტრი პარლამენტში არ უნდა მივიდეს.

ნარჩემაშვილის განმარტებით, მომხდარზე გამოკვლევა, პირველ რიგში, შსს-ს გენერალურმა ინსპექციამ და პროკურატურამ უნდა აწარმოონ.

„მე ვფიქრობ, რომ შინაგან საქმეთა მინისტრი ამ საკითხთან დაკავშირებით პარლამენტში არ უნდა მივიდეს. იმიტომ რომ ასეთი საკითხები, პირველ რიგში, უნდა იყო გარკვეული შიდა მოკვლევით, რომელსაც, დარწმუნებული ვარ შინაგან საქმეთა სამინისტროს გენერალრუი ინსპექცია უკვე აწარმოებს. გარდა ამისა პროკურატურის მიერ, როგორც ზედამხედველობის ორგანოს მიერ, უნდა მოხდეს საკითხის შესწავლა. ასე რომ, თუ იქნა რაიმე ისეთი საკითხი, რომელიც დაბადებს კითხვებს პოლიტიკურად, ასეთ შემთხვევაში შესაძლებელია. მაგრამ ჯერჯერობით, ამის აუცილებლობას მე ვერ ვხედავ“,-განმარტა ნარჩემაშვილმა.

გიორგი მღებრიშვილის პარლამენტში მისვლა ოპოზიციამ მოითხოვა.

მონიკა დავლიანიძე