კომენტარი

საზოგადოებას ვთხოვ, თავად შეაფასოს პროკურორების ქმედება - ზაზა სარალიძე

ხორავას ქუჩაზე მოკლული ერთ-ერთი არასრულწლოვანის მამა - ზაზა სარალიძე შოთაძის უწყების მიერ ვერაზე მომხდარი მკვლელობის საქმეში არსებული მტკიცებულებების გასაჯაროებას სოციალურ ქსელში ეხმაურება.

როგორც სარალიძე ფეისბუქის პირად გვერდზე წერს, პროკურორმა კაპანაძემ საჯაროდ გამოიტანა ყველა ნივთმტკიცება ბრიფინგზე და მთელ ქვეყანას ანახა გასაიდუმლოებული საქმის მასალები, თუმცა იგივე მასალების ნახვაზე სარალიძის უფლებადამცველებს კატეგორიული უარი უთხრა.

„შოთაძემ არ მიმიღო იმის გამო,რომ საიდუმლო იყო არასრულწლოვნების საქმე და ჩემ თანმხლებ პირებს არ ჰქონდათ უფლება, გაეგოთ რა დეტალებზეც ვისაუბრებდით.

დღეს ქალაქის პროკურორმა კაპანაძემ საჯაროდ გამოიტანა ყველა ნივთმტკიცება ბრიფინგზე და მთელ ქვეყანას ანახა გასაიდუმლოებული საქმის მასალები.

საზოგადოებას ვთხოვ, თავად შეაფასოს მთავარი პროკურორების ქმედება.

ერთის მხვრივ, მე არ დამრთეს უფლება, რომ ჩემს უფლებადამცველებთან ერთად მესაუბრა ჩემს გაჭირვებაზე შოთაძესთან და მეორე მხრივ, თავად გაასაჯაროვეს გასაიდუმლოებული ნივთმტკიცებები.

კონკრეტულად მოკლული შვილების ტანსაცმელი, რომელიც მე ჯერ კიდევ არ მინახავს იქიდან გამომდინარე, რომ კანონი არ მაძლევდა უფლებას მენახა ჩემი შვილის ტანსაცმელი”- წერს სარალიძე.