მსოფლიო

საუდის არაბეთში პრინცები, ბიზნესმენები და მაღალჩინოსნები „ოქროს გალიიდან“ გაათავისუფლეს

საუდის არაბეთის მთავრობამ გაათავისუფლა „ოქროს გალიიდან“ ყველა ის პრინცი, ყოფილი მინისტრი და ბიზნესმენი, რომლებიც 2017 წლის ნოემბერში დააკავეს კორუფციის ბრალდებით.

სააგენტო როიტერსის ინფორმაციით, კორუფციაში ბრალდებულები დამწყვდეულები იყვნენ ე.წ. „ოქროს გალიაში“ - ერ რიადში მდებარე უმაღლესი კლასის სასტუმრო Ritz-Carlton-ში.

„Ritz-Carlton-ში დაკავებულები აღარ დარჩნენ“, -უთხრა ერთ-ერთმა ჩინოსანმა როიტერსს. წყაროს არ უთქვამს, რამდენი დაკავებული დარჩა დროებითი მოთავსების იზოლატორში ან ქვეყნის რომელიმე სხვა ადგილას. სხვა წყაროები არ გამორიცხავენ, რომ კორუფციაში ბრალდებულები სასტუმროდან ციხეში გადაეყვანათ, რადგან დაკავებულთა ნაწილი არ აღიარებდა დანაშაულს.

2017 წლის ნომებრის დასაწყისში საუდის არაბეთის ხელისუფლებამ ანტიკორუფციული კამპანიის ფარგლებში დააკავა ათეულობით ადამიანი, მათ შორის იყვნენ მაღალჩინოსნები, ბიზნესმენები და სამეფო ოჯახის 11 წევრი. მათ ბრალი აქვთ წაყენებული კორუფციაში, გაფლანგვასა და საკუთარი უფლლებამოსილების ბოროტად გამოყენებაში.

ადრე მედიაში ვრცელდებოდა ინფორმაცია, რომ დაკავებულთა ნაწილი მთავრობასთან გარიგებაში შევიდა და გათავისუფლების სანაცვლოდ საკუთარი აქტიუვების სახელმწიფოსტვის გადაცემას დათანხმდა.